بعض اتصالات خلق الله تدوشني

بعض اتصالات خلق الله تدوشني
وش بعضها .. لا قسم بالله اكثرها ..

من بعد ما جاء اتصال بجد عيشني
حاله غريبة ولا ادري كيف افسرها ..


فديتها صوتها من جد ينعشني
فخامته من تمر اذني تعطرها ..


اللي ليامن حكت كنها توشوشني
رقة ذرابة نعومة صعب اصورها ..


اسمي بفمها ورب البيت يخرشني

لبيه .. تطلع غصب لو ما احضرها ..


المووت لو قالت اسمي بعد واحشني
اضيع منها .. و هي عمدا تكررها ..


من شفتها قال قلبي لا تناقشني
رحنا وطي .. و انتبه غيرك يطيرها ..


من يومها منتبه و الخوف بالشني
اخاف منها .. عليها .. لا تكدرها ..


احيان اسوي مطنشها وتكفشني
ترسل رسالة وحشتك .. ما اعبرها ..


اربع ثواني واحس بشي راعشني
وادق .. و ترد .. واتنهد ,, وابادرهــا ..


تدرين حتى الرسايل منك تربشني
لا يا بعد ماضي احلامي و حاضرها ..


لو ما وحشتيني انتي .. من بيوحشني ؟
لعيوونك انتي .. جميع الخلق حاظرها ..


كل اتصالات خلق الله تدوشني
بس اتصالاتك انتي جد اقدرها ..