[color=darkblue]لاتشتكي لي تراي وربّي ابكي لك [/color]

حنّا لبعض ٍ سوى لين الفرج ياتـي
رغْم انّ جيلي تعدّا سنين عن جيلـك
ميـر انّ نيّاتـك اِتْماثـل لنيّـاتـي
يالله هماليلـي تنـاجـي هماليـلـك
يالله نعيش الغرام ونِسْكـتْ انْهاتـي
وارْمي لمنديل دمعي وارْم منديلـك
ونْعيش دنيا رغبْهـا ذاتـك وذاتـي
واصْدق مواويلي تعانـق مواويلـك
نصدح وننسى حكاية (كيفه اسْواتي؟)
تِنْسينـي البهْذلـه واقتـل بهاذيلـك