آســـــف أنا في جيتي لك تسرعت
ظنيت الاقي فيــــك شيٍ فقـــــــدته
كنت احســـبك مجروح مثلي تولعت
جربت فرقى شخص قلبك وهبته
كنت أحسبك من مـّر جرحك تجرعت
حبيت فيك احساس طفلٍ لمـحـته
لـو قـلت آآآآه بوسط روحي توجعت
ولو شفت دمعاتك شعوري سكبته
ولو تطلب عيــــــوني ابد ماتمـنـعت
واعطـيك قلـــــبي لـو بعد ما طلبته
وصلت بك أعلى مكان وتربعت
وفي قلب غيري يالغضي ماوصلته
وأصـبر على صدك واشوفك تدلعت
واعطيك ود وما اظنك حسبته
أذهـلـتني باطباعك اللي تطبعت
حتى قصيدي فيك ابد مافهمته
لـوكان غاياتك حـروفي فـأنا بـعـت
وأفـرح بـجرح المـشاعـر اللي جرحته
وأرجـوك من صـدك تراني شـبـعت
خـلك مع اللي عـاجـبك أو عـجـبته
يـكفـي قـهـر في جيتي لك تواضعت
تركت غيرك لأجـل عـينك وبـعـته
يـالـيتني عن حـب مـثلك ترفعت
يـاليت قـلبي قبل اعرفك دفـنته
لـكن ببعد دامني بـك توهـقـت
الـلّــــه يـرحم حبنــــــا اللي ذبـحته
أنـا شريت الـود والحـين أنا بعت
وأنـا عطيتك قلبي اللي قهرته
في يوم جيتك اطلبك ود واقنعت
نفسي بأنك شخص عادي عرفته
كــمّـــل حياتك مثل مـا أنا توقعت
تبقى اســير المـاضي اللي فـرضـته
ولا يحـزنك اني انـسان وتراجعت
حولك بدالي ألـف شخصٍ عـجـبته
أما أنـا لايـمكن اخضع ولا طـعت
يحــرم عـلي اعطــيك قلـــبٍ خذلته
بريّحك من شوفتي يوم قاطعت
اسـلوبـك اللي به تـجامل كـرهـته
غـلطـــان يـالـمقفــي أنـا مـا تتّـبعت
غـــيري يتــابع خطـــوتي مـا تبعته
مـا يـنحني راســي لـو اني تقطّعت
وماهوب أنـا من لا رميته لقـطته
وإن كـان غــرّك حــكي عذالي وطعت
اللّــه يـعلم كـيف قـلـــبي سـكنتــه
اللـي مـلا قلبــك عـليّ وتسمعّت
خـــــله يعـــوض شخص مثلي خســرته
أنـا بمـا فيه الكفــايه توّلعـــــــــت
واللي بـقى من قلــب فيـني حــرقـته
وإن شفتـــني صـــدفه بعينك تطلّـعت
ذكّــرتني بإنســان غـــــــالي فقـــدتــه
بـأوّل لـقــا سلمـته إحســـاسي وضـعـت
غـلطـــت حيــاتي يــوم قلــــــبي سـلـبـته
واسـتـسـمحك في البــعــد كـاني تـراجـعـت
مـاعـاد بـلقــى فيـــك شيٍ فقــــدتـــه
طـبـعــــك مـثــــل غــيرك وطبعي كـما كنت
أحـــــب شـخـصٍ ولا تركــــته........
موضوع: اسف انا في جيتي تسرعت 
الإثنين يوليو 21, 2008 7:36 pm